Kabhi Lekar Shokhi Ankhon Main
Meray Dil Main Halchal Ker Dena
Kabhi Meethi Meethi Baton Se
Meray Dil Ko Pagal Ker Jaana

Kabhi Kaan Ko Rakh Ke Seenay Pe
Meray Dil Ki Dharkan Sun Lena
Meray Gaal Pe Aaker Chupke Se
Kabhi Koochi Koochi Ker Jaana

Meri Aankh Pe Aanchal Ka
Rangeen Sa Saaya Ker Rakhna
Kabhi Aaker Meray Cheheray Per
Ghani Zulf Ka Baal Ker Jaana

Meray Hath Ko Lekar Hathon Main
Kabhi Apne Dil Pe Rakh Dena
Kabhi Aaker Meri Baanhon Main
Khud He Chupke Chupke Bhar Jaana

Meray Hont Pe Rakhna Hont Kabhi
Aur Rooh Meri Dehka Dena
Kabhi Apni Jheel Si Aankhon Main
Meray Pyar Ka Kaajal Ker Jaana

Iqraar Ke Lafz Sunanay Ko
Kabhi Ghanton Mujh Ko Tarsaana
Kabhi Kaan Main Meray Chupke Se
Izhaar Khud He Se Ker Jaana

Andaaz Ye Saaray Nyaray Hain
Hum Ko Jaan Se Pyaray Hain
Isi Leay To Inn Pe Hum
Apna Sab Kuch Haaray Hain